Hallo alli Zäme

Mir hoffed bi eui idä Schwiiz laufts au guet. Bi euis schiffets grad bi ca. 9 Grad :(
Zur ziit simmer in Estes Park, emene chline Kaff wo grad bim Ost Igang vom Rocky Mountain National Park lit. Bis mir entli vo St. Louis da gsi sind, simmer öpä 1500km gfahre und 3 mal go tanke. Das isch dank em Tempomat ,ere Klimaalag und wenig Verchehr na guet gange. D gägend isch aber sehr sehr langwiilig gsi.
Mer händ etz scho zwei Täg im Park verbracht und händ scho fasch alles was mer chan mit em Auto abgfahre. Natürli simmer au immer na es paar Schritt gloffe aber das hät sich wägem schlächte Wätter und dem viele Schnee in gränze ghalte. Leider hämmer na kei Bäre gseh. Defür en hufe anderi Tier, z.B. Schneehase, Wolf oder Streifehörnli und nah meh. Da d Saison nanig richtig agfange hät, häts au nanig so viel Lüt und mir sind doch au mal nur z zweite amene Ort und chönd d Natur gnüsse.
Mer sind etz na ein Tag dah, je nach Wätter hämmer namal en schöne Tag im Park. Als nächsts grosses Ziel isch dä Mount Rushmore und dän dä Yellowstone Park agseit. Da mer namal grossi Disanze zrugg leget machemer immer wieder mal Halt zum übernachte. Wies dä Zuefall so will, lit na es grosses Outlet Center ufem Wäg womer au na werdet go aluege.

Liebi Grüess id Schwiiz

Adi und Nadia

Föteli Link
https://plus.google.com/photos/106485234849145601756/albums/6011893142962766369?authkey=CL3rq5Glp67Z...