Hello People fare fare away,

Mer sind sit gester da in Gardiner, grad bim Nord Igang vom Yellowstone NP. So zsäge 8119km entfärnt vo oi liäbe. Mer gnüsset die super Landschaft und Tier wo mer täglich gsehnd. Was au speziell isch, isch sWätter. A de einte Ort hets na über 1 Meter Schnee und a andere isch es 18°C. Gester hemr en Schwarz Bär gseh wo sis Bäreläbe so richtig gnosse het, isch chli fuul zwüschet de Bäum umgläge und hets überhaupt in Intressiert das mir na det stönd und Föteli machet. Dachs, Elch, Reh, Bison, Murmeli, Eichhörndli und Vögel hemer au scho gsichted. Gester simmer na zu de Mammoth Hot Spring, wie de Name scho gseit chunt, heissi Quelle. Mega schön zum aluäge, aber es stiiiiiinkt nach Schwäfel, ganz gruuusig.
Hüt simmer chli wiiter abe vom Park und hend sogar en Grizzly Bär gseh, wo relativ nöch zu de vielne Lüüte ane cho isch, wo ihn hend wele Fötele. De Park Ranger isch grad chli nervös worde und het scho mal de riese Bäre Pfäfferspray füre gno. Dä Bär het sich den wieder umdräht und witer nach Fuätter gsuächt. Ufem Weg retour Richtig Hotel, hets de Zuäfall wele, dass mer na es Bäre Mami mit ihrne zwei junge gseh hend. MEGA.
Na schwierig die gewaltige Idrück vo de Natur und Tier i Wort zfasse. Luäget doch Föteli ah, denn hender en chliine Idruck, was mir alles schöns dörfet gseh. Am letzte Tag gömmer na die bekannte Geysire go aluege und hoffentli na viel Tier und schöni Natur.

Umarmig 
Adi und Nadia

Föteli Link:
https://plus.google.com/photos/106485234849145601756/albums/6013463721338105457?authkey=CLuR37uC3_uW...