Halli Hallo Ihr Liäbe

Vorgester simmer na in Chicago gsi und händ namal chli Sightseeing gmacht. Gester simer den oises Auto am Flughafe go abhole. Rächt luschtig gsi die liäbi Autovermietigs- Frau. Wo mir ihre gseit hend das mir richtige Weste gönd het si gmeint, ihr bruuchet unbedingt en Sportwage. Mi hend den gfunde, mer hetet liäber na öbis wo guet die Berge isch. Somit hets den Dodge SUV gäh. So hemer au gnuäg Platz.
Mer sind uf de old Route 66 richtig St. Louis gfahre. Die Strass füährt na dur alli Dörfli mit sehr schöne Hüüsli. Da die Strass nümä so im beste Zuähstand isch chan mer nid so schnell fahre. Chli userhalb hemer den bimene grosse Walmart halt gmacht und ois bizeli ideckt mi Ässe. Nach guet 7Std. simmer denn bim Hotel in St. Louis acho. Hotel isch alt und nümä so im Schuss, aber zum schlafe langets. Mer sind den grad na richtig "Arch" glofe und hend eigentlich öbis gsuächt wo mir chönd zNacht ässe, aber irgendwie isch die Stadt wie usgstorbe gsi. Hemer den eifach es Sandwich gässe und sind wieder retour is Hotel go pfuusse.
Hüt 06.05.14 simer chli ide Stadt ume glofe und sind na uf de "Arch" ufe. Schöni Ussicht über St. Louis ka. Am Abig gömer na anes Konzert (Wolfmother, kein Plan hani vo dene aber dä Adi wet die gseh, ich lah mi überrasche)

Liäbs Grüässli us St. Louis bi strahlendem Sunnesschiii und 29 Grad Celsius

Adi und Nadia


Föteli Link
https://plus.google.com/photos/106485234849145601756/albums/6010402020048551041?authkey=CLLOipvrus3S...