Am 1.5.14 simer vo es paar Kolleg und Fämily am Flughafe Züri verabschieded worde. Vo de Sonja simer sogar bis zum Gate begleitet worde, was ois natürlich au mega gfroid het. De Flug isch rächt agnähm gsi und nach 9 Stund und ca. 30 Minute simmer in Chicago O'Hare International Airport glandet. Da de Flughafe nid so chli isch, simer sicher namal 15min gfahre (mitem Flüger) bis mer am Standplatz gsi sind. Den häts gheisse Immigration. Übere Stund simer det ide Schlange gstande, bis mer äntlich oise Stämpfel becho händ. Wo mir zum Gepäcksband cho sind, isch das scho nümä glofe nur na ca 5 Täsche druf gsi unteranderem oisi zwei (zum Glück, si hend de Wäg au id USA gfunde). Den häts gheisse Taxi suäche zum is Hotel zcho. Natülich isch das au nid so schnell gänge wie mir das gern ka hettet, mir sind nämli beidi scho mega müäd gsi. Nach guet 2 Stund hämers den gschaft und hend chöne im Hotel i checke und denn au gli mal gschlafe. (Chicago Time 20Uhr)

Am Fritig 2.5.14 simmer um die 5i serst mal verwachet. Jetleg lässt grüssen, hend ois den namal umdräht und bis am 8ti pfusset. Denn isch es los gange und mir hend Chicago Downtown erkundet. Wetter isch leider nid viel besser als ide Schwiiz, Regen, kalt und Wind. Im Starbucks hemer zMorge gässe. Sightseeing hemer nanig viel gmacht, vorallem SHOPPING, die viele kuule Läde, die het mis (Nadia) Herz natürlich grad höher la schlah. Jetzt hocke mer im Hotel Zimmer und schriebet am Blog und a oisem Tagebuäch.

Mir schicket oi liäbi Grüäss

Adi und Nadia

Föteli Link: (für oisi liäbe wo nid so PC vertraut sind eifach ufs blaue une klicke :) )
https://plus.google.com/photos/106485234849145601756/albums/6008959544020934833?authkey=CIPBs-iPm5Ws...