Hallo zäme

Mi hend wieder viel erläbe dörfe. In San Diego simmer na in Zoo. De isch mega gross. Het ois sehr gfalle. Vo San Diego hemer de Highway Nr. 1 gno Richtig Los Angeles. In Anaheim hemer sDisneyland bsuächt. Isch en grosse Spass gsi. Leider isch d Nemo Wält grad im Umbau gsi und Car's hets gar nüt ka, scho chli entüschtend gsi. Defür hemer sMatterhorn gseh. Het de eh Schwiizerbobbahn. Luschtig oder? Au de Mickey Mouse hemer persönlich troffe :). Als krönende Abschluss vo oisem Tag im Disneyland hemer na Füürwärch überem Schloss bestuuunt. Vo Anaheim isch es wiiter gange ufem Hwy1 nach Santa Monica, wo mer sEndi vo de Route 66 gseh hend. Mer hend es Velo gmieted und sind an Venice Beach cruised. In Hollywood hemer denn dUniversal Studios bsuächt. Als ersts hemer det eh Studio Tour gmacht wo mer iblick übercho hend it Filmwält. Wiiter hemer meh oder weniger alli Bahne und Shows bsuächt, natülii au Simpsons und Minion Bahn. De Walk of fame mit de vielne pinke Sterne isch grad um de Egge vo oisem Hotel. Au's Dolby Theater wo dOscar Verleihige statt findet isch grad idä nöchi. Hollywood selber hemer mitere "Movie Star Home Tour" erkundet. Verbi ah de Hüüser vom Justin Timberlake, Bruno Mars, Halle Berry, Playboy Mansion, am Huus wo de Michael Jackson gstorbe isch und vielne meh. Rächt kuul gsi. Will mer die Tour buächt hend, hemer grad na gratis Tickets übercho fürs Madame Tussauds, wo mer ois natürli nöd entgah lah hend und luschtigi Föteli gmacht hend. De hütig Tag hemer am Strand bi Santa Monica verbracht.

Mir hoffed oi allne gats guet. Froied ois au über Nachrichte vo oi.

Liäbi Grüäss und eh festi Umarmig

Adi und Nadia


Föteli-Link:
https://plus.google.com/photos/106485234849145601756/albums/6025358702861027857?authkey=CMjQz_auufOZ...