HalliHallo


Mir sind wieder etz bitz wiiter dur Neuseeland gfahre und händ wieder viel erläbt. Für alli won nöd wänd läse da dä Föteli Link: https://goo.gl/photos/6SDjhQXGUH6HMhXe6


Nach Hanmer Springs simmer entspannt wiiter nach Christchurch gfahre. Als ersts simmer det uf dä Husbärg miteme Gondeli zum die Stadt vo obe aluege. Leider isch s Wätter nid ganz so guet gsi, also kei Ussicht uf d Bärge. Am zweite Tag hämer dank dä Unterkunft in Downtown die ganzi Stadt z Fuess erchundet. Dä Botanisch Garte isch wunderschön und mer gseht grad alli Pflanze wo da söttet heimisch si. Idä Stadt häts na en hufe Überreste vom Erbebe vom Feb.2011. Es wird aber überall flissig baue so dass mer gli nüt meh gseht. D Stadt hät eusi sehr guet gfalle. Wiiter simmer am letzte Mäntig dän zum Mt Cook gfahre. Das isch dä höchsti Berg in ganz Neuseeland. Da debi simmer am Lake Tekapo verbie gfahre wo so schön blau isch. Bim Mt Cook häts dän es Dorf nur für Touriste gah wo mir es eifachs Zimmerli händ chöne für zwei Nächt ha. Wie au idä schiizer Alpe häts da en huufe asiatischi Touriste gah. Idä erste Nacht hämmer na d Stärne bestuhnt will det so es Liechtschutzgebiet isch gseht mer d Sterne sehr guet. Dä Adi isch defür na extra am morge am 2 ufgstande. Am nächte Tag simmer uf dä Tasman Lake. Das isch en Gletschersee wo vom Tasman Glacier entstande isch und darum au dä Gletscher immer schnäller schmilzt. S Wasser isch 0.9°C chalt gsi. Leider häts am Namittag afange schiffe und so hämer leider nüm viel chöne mache i däm chline dörfli. Es hät na die ganz Nacht dure gschiffet und au gwitteret. Mir sind am nächste Morge richti Oamaru gfahre und dä Räge hät sich nach ca. 15 min auto fahre scho verzoge. Ufem Wäg simmer na bi dä Elephant Rocks verbieg o luege wo mer usem Film Narnia kännt. In Oamaru simmer diräkt zum Bushy Beach gfahre wo mer chan Gälb Auge Pinguine aluge. Die sind aber ersch gäge dä Abig det drum hämer det nur zmittag gässe und sind is Hotel. Det hämer wieder mal chöne ä wösch mache und händ euis nach däm uf dä Wäg gmacht namal an Bushy Beach zum die Pinguine gseh. Nach 2 Stund warte und luege (die chamer nur vo wiit obe aluege wills susch verschreked und wieder is Meer zrugg gönd) hämer grad mal 2 Pinguine usem Wasser laufe gseh. Wills chalt gsi isch und s wieder agfange hät rägne simmer dän go Znacht ässe und is Bett. Wiiter isches am nächste Morge richtig Dunedin gange. Unterwägs hämer na bi dä Moroaki Boulders halt gmacht. Das sind so ganz rundi Felse im Meer. Will mir gnueg Ziit gah händ simmer spontan na ines Vogelschutzgebiet, also es 13ha grosses Gebiet wos nur Vögel und anderi Tier wo ihmeisch sind hät. Det hämer chöne em Tui lusche und en au aluege und dä grossi Kaka gseh. Kiwi hets det au aber hämer leider kei gseh. Müed vom uelege id Bäum simmer dän äntli in Dunedin acho. Det hämer es Hotel zmizt im Zäntrum gha wo d Queen im Jahr 1957 scho gschlafe hät. Es isch däm entsprächend also alt gsi und nüm grad s neust. D Stadt isch aber ganz gmüetlich und liecht z Fuess erchunde. Am nächte Tag simmer vo det us uf d Otago Peninsula, e Halbinsle wo zu dä Stadt ghört, und händ det welä go Tier aluege. Lieder hat mer dadefür immer müesse Zahle und das isch euis bi däm nid so guete Wätter nöd wärt gsi. Mir sind dän nachli dur d Stadt gloffe und sind go Souveniers chaufe. Am nächste Morge häts wieder mal gschiffet und das hät es bitzli uf euisi Stimmig druckt. Mir sind dän wiiter gfahre dä Southern Scenic Route nah richtig Invercargill dur d Catlins. Det chamer en hufe abstächer näbed d Route as Meer oder suschtigi Atraktione aluege und mache. Mir sind etz in Invercargill acho wo mir dän am Mäntig uf Bluff und na uf d Stewart Island wänd.

Allne en Liebe Gruess und en schöne Sunntig/Wuchestart

Adi & Nadia