Hallo Zäme


Zersch für alli wo nöd wänd läse dä Föteli-Link:
https://goo.gl/photos/ALbHyBdVeHwBjVkb7



Mir sind etz grad in Hanmer Springs uf dä Südinsle. Da simmer für 2 Nächt damit mir das Thermalbad au richtig chönd gnüsse.

Nachem letzte Itrag simmer via Hicks Bay am ums East Cape gfahre. Dä ersti Tag vo Papamoa nach Hicks Bay isch alles dä Küste na gsi und wunderschön. Mir händ vo det au d White Island gseh, en aktive Vulkan vor dä Küste. In Hicks Bay hämer dän vom östlichste Lüchtturm vo dä Wält gläse und händ dänkt, dass mir am morge am 4i ufstönd zum dä Sunneufgang go luege. Da mir aber d Strass nid kännt händ (alles Schotterpiste) simmer lige blibe und am Tag verbie gange. Det hät mer na über 750 Stägetritt uelaufe müesse. Bim Lüchtturm isch aber e super ussicht gsi und eifach nur s Meer und susch niemert. Bis 2 alti Dütschi cho sind und agfange mit euis rede. Glich hämer die Rueh gnosse. A däm Tag simmer na witer bis Gisborne gfahre. D Strass isch gar nüm guet zwäg gsi und au nüm dä Küste nah. Gisborne isch na es herzigs Städtli wo angeblich dä James Cook s erst mal in Neuseeland a Land isch. Drum simmer det na däm sini Statue go aluege. Am nächste Tag simmer wiiter richtig Te Urewera gfahre, dä grösti Nationa Park uf dä Nordinsle. Leider isch s meist vo dä Strecki det ane (ca 1,5 Stunde) Schotterpiste gsi und mit euisem Auto nid so lässig. Det hämer bi Sunneschii zmittag gässe und sind nachli go Spaziere. Churz später häts afange Rägne und mir sind zum nächste Halt in Wairoa gfahre. Wils i säbem Motel wiedder mal guets Internet gäh hät hämer euise Route nachli wiiter planet. Vo det simmer am nächste Tag 6 Stund bis uf Wellington gfahre. In Wellington simmer 2 Nächt blibe und händ euis die Stadt chli aglueget. Euis hät die Stadt besser gfalle als Auckland. Am 1. November isches dän uf d 9i Fähre richtig Südinsle gange. S Auto hämmer na in Wellington abgä und nach 3 Stund Schifffahre hämer in Picton es neus aber glichs Auto becho. D Schifffahrt isch sehr shön gsi will mer na vie vo dä Südinsle gseh hät. S Auto in Picton becho isch so e sach gsi, da sie nöd gwüsst händ ob mir etz am 1.11 chömed oder nöd und dän isch die alti Frau chli überforder gsi und mir händ am Schluss fasch 45min brucht zum s Auto becho. Vo Picton simmer am gliche Tag na nach Kaikoura gfahre und händ det übernachtet. D Südinsle isch für euis grad Andersch gsi da uf däm Wäg fasch kei Wald und fasch kei Chüeh und numme Schäfli gha hät. Kaikoura isch es herzigs Touriste Dörfli wo mir dän am nächste Tag e Whale Watching Tour buecht händ. Uf däre Tour hämer dän au en Pottwal gse wo grad adä Oberflächi isch go Luft hole. Mir händ en ca 15min chöne beobacht bevor er wieder für e Stund abrauscht isch. Für das simmer miteme Katamaran Schnällboot 45min ufs Meer usegfahre. Bim retour Fahre mit em Schiff hämmer na Delfine und Seehünd gseh. Am gliche Tag simmer na nach Hanmer Springs gfahre wo mir etze grad sind.

Als nächsts gömmer uf Christchurch und dän wiiter zum Mount Cook.


Bis gli und en sunnig warme Gruess id Schwiiz.

Adi & Nadia