Hallo Zäme

Äs paar wiiteri Föteli sind Online
https://goo.gl/photos/eTNM8Y2eJRuj5dyr8

Mer sind in Hahei gsi innere mega herzige Unterkunft wo früähner mal eh Chile gsi isch. Vo det us simmer am Morge am viertel vor 7bni richtig Hot Water Beach, will Low Tide um die 9ni gsi isch. Mer hend die heiss Quällä gsuächt. Nöd schwär gsi zum die finde. De Sand isch det nämli gaanz warm sogar richtig heiss. De Adi hät fliessig afange grabe bis mer oise Pool ka hend und scho gli hemer chöne entspanne und de anderen zuähluäge wies verzwiefled versuächt hend än Pool zgrabe. Wälle sind nämli mega starch gsi und somit sind die Pools immer wieder gfluäted worde. Am 10ni hemer oise Pool wiitergäh und sind retour zum Hotel go de ganzi Sand abdusche und zMittag ässe. Pizza vom letzte Tag na gässe ( Nadia hät zwei becho will die erst äs bizeli dunkel worde isch aber na Tip Top zum ässe gsi isch) Nachem zMittag hemer de Rucksack packt und sind vo Hahei zu de Cathedral Cove (1.5Std.) glofä. Dä Wäg isch äs ufe und abe gsi aber mittere mega Ussicht. Cathedral Cove isch idrücklich gsi. Mer hend die Ruäh gnosse und de riesige Welle zuähgluäget. Retour ide Unterkunft hemer ois äs Bier/ Cider gönnt und zum zNacht simmer det is Reschti.
Hüt simmer uf Papamoa gfahre. Äs herzigs Dörfli. Eigentlich hemer na is Kiwi 360° (alles über Kiwi Frucht) wele, aber das isch im Moment gschlosse wills umbaued. Schaad. Simmer halt chli an Strand höckled, leider rägnets immer wieder mal und windet rächt fescht. Mer sind immene B&B bimene Ehepaar mit Hund und Chatz. Isch schön.

Mer wünsched oi eh gueti Ziit

Adi und Nadia