Hallo ihr liebe dihei Wieder isch ä wuche verbie und mir händ wieder einiges erläbt. Für all wo nur wänd Föteli aluege da dä Link: https://goo.gl/photos/4oHHGaV1wVzkpBV8A
Nach euisen letzte Blog Itrag hämer friedlich in Invercargill gschlafe. Ersch am nächste Morge wo d Nadia dä Sonja ihres SMS vo wäge Erdbebe gseh hät hämer gwüsst das öpis passiert isch. Mir händ dän mal dä TV igschalte und die händ vom Erdbebe bi Kaikoura verzellt. Mir sind dän es bitzli gschockt gsi und au glücklich, dass mir nüt gmärkt händ und das es euisi Route dä Westküste na chum wird beträffe. Mir händ euis dän uf dä Wäg gmacht nach Bluff wo mir d Fähre zu dä Stewart Island gno händ. Die fahrt hät öpä e Stund dured und isch uf däm chline Boot es Abentür gsi. Uf dä Insle simmer dän e chli go wandere und händ d Landschaft und all die Vögel gnosse. Will die Insle na fasch frei vo Ratte, Marder etc. isch häts au na en hufe Vögel wo uf dä andere grosse Insle praktisch nüm gsesch. So hämer au därfe zwei Kaka gseh in freier Natur. Vo wäre Insle isches dän wieder zrugg gange is Hotel wo mir wieder Internet gha händ und allne besorgte Fründe dihei händ müesse zrugg schribe das es euis guet gaht. Am nächste Tag isches witer richtig Te Anau gange. Uf dä Strecki hämer im Meer namal Hector Delfin gseh und händ am wunderschöne Lake Hauroko en halt gmacht. In Te Anau hämer es Motelzimmer mit ere chline Chuchi gha und drum hämer euis wieder mal richtigi Nudle zum Znacht gmacht. Am nächste Morge simmer es bitz früehner als susch ufgstande (7i) und sind die 120km langi Strecki zum Milford Sound gfahre. Nur scho die Strecki lohnt sich zum sie fahre und immer wieder mal ahalte. Bim Tunnel wos hät hämer dän zum erste Mal Kea gseh. Die einzig Papgeieart wo idä Bärge läbt uf dä Wält. Die sind riisig und mir händ au e riese freud gha zum die gseh. In Milford Sound acho händ euis zersch mal d Sandflüge gstoche. Es isch det wieder so richtig touristisch gsi und es hät en huuuuuufe Asiate gha. Mir händ e 2,5 stündigi Tour ufeme Schiff buechet wo dur dä Milford Sound zum Meer und wieder zrugg gfahre isch. Unterwägs händ die en viel verzellt und mir händ Wasserfäll gseh und gspührt und wieder Hector Delfin gseh. Die meisti Ziit rägnets det aber mir händ s Glück gha dass nach dä helfti vo dä fahrt na d Sunne füre cho isch. Es isch würkli mega schön gsi det. Dä zweiti Tag in Te Anau hämer welä vo det us chli go wandere. S Wätter isch aber so schlächt gsi, dass mir nur zum chline Vogelpark gange sind. Det hämer en Takahe gse wo au fasch usgstorbe isch. Witer isch es am nächste Tag nach Queenstown gange. Det hämer nach langem wieder mal d Sunne und warmi Tämprature erläbt. Die Stadt isch eigentlich ganz schön aber es höt dete viel zviel Touriste dezueh cho isch na dä Queenstown Marathon so häts na meh Lüt gha. Mir sind dän mit dä Gondlä uf dä Husbärg wo mer e schöni sicht uf d Stadt gha händ und binere chlinere Wanderig hämer au euisi rueh gha. Mitlerwile isch scho wieder Samstig gsi und bevor mir uf Wanaka gfahre sind hämer na en abstächer ufem Routeburn Track gmacht wo mir ca 2h gwanderet sind. In Queenstown hämer na dä Grossichauf für die nächst Wuche gmacht und sind dän über dä höchsti befahrbahri Pass (1076 m.ü.M) nach Wanaka gfahre. Det hämer hüt d Puzzling World bsuecht wos en hufe optischi Tüschige und Rätsel fürs Hirn usgstellt hät und es riese grosses Labyrinth. Dä rest vom Tag hämer idä churze Hose am See gsünelet.
Witer hämer etz ad Westküste zu Fox und Franz Josef Gletscher.
Bis bald Adi & Nadia