Bom Dia

Mi hend scho länger kein Blog meh gmacht. Hend chli s'easy Läbe vo Hawaii ah gno und gnüssed s reise.

Wiiter isches in Hawaii vo Maui uf Honolulu gange, mit em Fligzüüg 30min flüge. Oises Hotel isch grad ide nöchi vom berüähmte Waikiki Beach gsi. Natürlich simmer au go surfe. Isch echt mega kuul gsi. Aber de Muskelkater am Tag danach isch heftig gsi. Mer sind au na Pearl Harbor go aluege und händ ä Insel Rundfahrt mit halt bi dä Dole Farm gmacht. Det hät mer na chöne die verschiedene Entwickligsstadie vo Ananas aluege. Wieder öpis neuis glärnt. Natürli hämmer au wieder Schildkröte gseh, dasmal aber au an Land. Es wiiters Highlight isch s Jack Johnson Konzert gsi im Waikiki Shell. Wer en nid kännt: http://youtu.be/dqUdI4AIDF0 ( so näbe bi, das hät euis au die ganz ziit verfolgt :D http://youtu.be/V1bFr2SWP1I) Hend Sitzplätz fast direkt ade Bühne ka. Besser het mers nöd chöne breiche. Natülich Hemer am Adi sind Geburi au na "gfiiret" sind de am Strand ghängt und sind fein go zNacht ässe. Am 6. August hets den gheisse bye bye Hawaii Hello Brasil. Eh langi Reis hemer vor ois ka. Sind zerst 6h vo Honolulu uf L.A. gfloge wo mer ca. 3h Ufenthalt ka hend. Witer isch es 3h mitem Flugi uf Houston gange wo mer namal 5h warte hend müässe bis entlich mitem Flugi 10h (10h!!!!) uf Rio de Janeiro gange isch. Am 8. August simmer in Rio acho. Hend zerst mal eh Rundi müässe pfusse und chli ah cho in Brasil. Scho speziell wenn mer fast kei Wort verstaht wo die da redet. (Adi wet jetzt spanisch lerne) Hend am nächste Tag e Tour scho buächet ka uf de Corcovado (Jesus Statue) und de Sugar Loaf (Zuckerhut). Mitere dütsch sprachige Reiseleiterin simmer zerst mitem Bähndli (es Schwiizer Zahnradbähndli) zum Corcovado. Mega viel Lüüt hets ka. Es super Ussicht uf Stadt Rio hemer ka und uf de Zuckerhuät. Nach dem mer wieder abe sind mit dem kuule Bähndli, simmer durs Santa Theresa Quartier gfahre. Es Künstlerviertel mit vielne ahgmalde Hüüser. Next Stopp isch de Zuckerhuät gsi wo mer mitem Gondeli (natürlich au wieder es Schwiizer Gondeli) duruf sind. Au vo det obe abe hemer eh super Ussicht ka uf Stadt und de beruähmti Strand Copacabana wo au oises Hotel gsi isch. Am nächste Tag hemer chli de Stadt Teil Copacabana beguätachtet. Isch leider nur bewölkt gsi. Am letschte Tag, wills namal super schöns Wetter gsi isch (ca. 25°C, isch Winter in Brasil) simmer an Strand. Am Namittag denn simmer mitem Flugi wiiter uf Foz de Iguacu wo mer jetzt sind. Hüt hemer e Tour gmacht zu de argentinische Siite vo de Wasserfäll. Gigantisch. Wunderschön. Mega. Fast nid in Wort zfasse. Idrücklich wie viel Wasser die Wasserfäll durab chunt. Da isch dä Riihfall en Muggefurz degäge. Hend na eh Boot Tour gmacht zu de Wasserfäll ane. Vo oisem Guide hemer erfahre das mer det den total nass wird, was mer au worde sind, hend aber zum Glück Badsache ah ka. Hend na viel Nasebäre gseh (jööh sind die herziig), en Tukan und abertuusigi, farbigi Schmetterling. Ufem Retour weg vo de Wasserfäll hemer na bim 3 Ländereck, Paraguay, Argentinien, Brasilien churz halt gmacht. Morn werded mer na die brasilianisch Siite vo de Wasserfäll bsuäche und übermorn gats den au scho wiieder wiiter uf Manaus in Amazonas.

Schicked oi liäbi Gruäss und gli simmer scho wieder dihei.

Ev. isch das etz scho dä letzti Blogiitrag gsi vo euisere Reis. Mir freued euis wän mer eui dihei all die schöne Bilder (ja es git na abertuusigi meh ob ihr wänd oder nid ;D) chönd zeige und die viele Gschichtli verzelle. 

Adrian und Nadia

Fötelilink:
https://plus.google.com/photos/106485234849145601756/albums/6046419680703820913?authkey=CLS315SQn_L8...