Hej Folks, wie die Local People da säget :)

Mir hoffet oi allne gats guet, ihr hend ja jetzt schöne Wetter die Schwiiz. Bi ois isch jetzt äntlich au chli warm. Nachdem mer namal in Schnee cho sind, isch es jetzt um die 25°C. Als chlini Ufmunterig für eue lässig Mäntig woner müend schaffe (oder was au immer....) e churzi Zämmefassig vo dä letzte Wuche.

Nach Salt Lake City simmer in Zion NP, wo mer dä Canyon vo ine gseh hend. Isch idrücklich gsi die höche Felswänd. Schwitzend bestunnt bi 27°C. Da simmer au s erst Mal dur en 1 Mile lange Tunnel gfahre, dä hät nid mal Liecht gha. (die känned Tunnel susch nid, d Strass gaht amigs eifach so wit grad ue und dän widr grad abe) En Tag spöter simmer scho im Bryce Canyon NP gsi, wo mer dä Canyon vo obe abe gseh hend :). Leider hämer am afang nid viel gseh, wills wieder mal gschneit hät und nid grad wenig. Trotzdem hemer de Canyon und die viele schöne Felswänd bestuunt. Am Namittag het sich den sogar d Sunne chli blicke lah und mi hend doch na es paar sehr gueti Föteli chöne mache ohni Schnee und Räge. Mer muäss det gsi si zum die Schönheit wahr znäh, Föteli langet da leider nöd. Witer isch es gange en ganze Tag ufem Scenic Hwy 12 wo angeblich eini vo de schönste Route vo de USA isch. Was mir chönd bestätige! Vom Red Canyon, mit de vielne rote Felse simmer in Kodachrome State Park, emene chlini State Park chli Absiits vom Hwy.(Highway), witer über der Boulder Mountain Pass, 3353m.ü.M. gfahre, wieder mal mit Schnee uf de Strass. Übernachtet hemer in Torrey, wo mer s'erst mal wieder mit richtigem Bsteck, "normalem" Ässe und "richtiger" Bedienig z'Nacht gässe hend. MEGA gsi. Somit simmer hüt na mit vollne Büch ufgstande und in nächste National Park gfahre. Im Capitol Reef NP hämmer Felsstatue chöne bestuhne und dur es ängs Narrow laufe. Mer chönt ja meine mer heget das scho gnueg gse, aber nei, es gseht immer andersch us und isch jedesmal speziell. Im momänt simer etz für 2 Nächt in Moab wos wieder mal meh Iwohner als Chüeh git sit Salt Lake City. Da gömer en Tag in Arches NP und gsehnd det Brugge us Felse wo irgendwie entstahnde sind.
Witer gahts die Wuche dän mal na zum Grand Canyon und dän uf Las Vegas womer eui all iladet falls mer viel Gäld günned ;D.

Mir wünsched allne na viel Spass bi dä Föteli und e gueti churzi Wuche. 

 Nadia und Adi

Föteli Link:
https://plus.google.com/photos/106485234849145601756/albums/6017569344979997105?authkey=CLfZs5yLzcfg...